Неготино, 25 декември 2023 (МИА) - Вкупно 560 новогодишни пакетчиња се поделени на дечињата од градинката „Фемо Кулаков", обезбедени од буџетот на локалната самоуправа, информираше попладнево неготинскиот градоначалник Горан Стојанов. 

- Во пресрет на новогодишните и божикните празници, денеска имав пријатна можност да присуствувам во просториите на детската градинка ,, Фемо Кулаков " и заедно со нашите најмлади сограѓани и воспитниот тим да ја испратиме старата и да и посакаме добредојде на Новата 2024 година. Престојот го искористивме да ја погледнеме новогодишната претстава „Дедо Мраз и ирвасите" подготвена и во изведба на воспитниот тим и дел од дечињата, соопшти градоначалникот. 

Вкупно 560 дечиња престојуваат во трите клона на неготинската градинка и во други просторни услови во селата Пепелиште, Криволак и Тремник. свд/сст/

Фото : Општина Неготино