Во вооружениот инцидент во Тунис загинаа пет лица
- Бројот на жртвите од вчерашниот напад што се случи во близина на синагога во Тунис се искачи на пет. Во вооружениот инцидент загинаа три лица од обезбедувањето и двајца верници, од кои едниот бил француски државјанин
![Во вооружениот инцидент во Тунис загинаа пет лица](https://new.mia.mk/index.php/images/20230510151838_big_730x400_9.webp )
Тунис, 10 мај 2023 (МИА) – Бројот на жртвите од вчерашниот напад што се случи во близина на синагога во Тунис се искачи на пет. Во вооружениот инцидент загинаа три лица од обезбедувањето и двајца верници, од кои едниот бил француски државјанин.
Нападот се случи среде годишниот аџилак на островот Џерба, кој привлекува стотици Евреи од Европа и Израел.
Нападот го изврши чувар на поморски објект во Џерба, кој прво пукал врз свој колега, а потоа неселективно отворил оган кон безбедносниот персонал лоциран во близина на синагогата.
Напаѓачот, пред да биде застрелан од полицијата, повреди четворица припадници на обезбедувањето и четворица верници. ми/
фото:ЕПА