Арсовска изврши увид во реконструкција на водоводна мрежа во општина Гази Баба
- СООПШТЕНИЕ: Градот Скопје континуирано работи на подобрување на водоснабдувањето за граѓаните во сите градски населени места, согласно со проектите од програмата „За модерно Скопје“, каде што решавањето на проблемите со водоводната мрежа е еден од приоритетите. Градоначалничката на Град Скопје, Данела Арсовска заедно со екипи од секторот за уредување и скопското јавно претпријатие „Водовод и канализација“, извршија увид на градежните работи на реконструкција на водоводна мрежа на ул.Антон Попов во општината Гази Баба.
![Арсовска изврши увид во реконструкција на водоводна мрежа во општина Гази Баба](https://new.mia.mk/index.php/images/20240309122855_big_730x400_73.webp )
9 март 2024
Почитувани,
Градот Скопје континуирано работи на подобрување на водоснабдувањето за граѓаните во сите градски населени места, согласно со проектите од програмата „За модерно Скопје“, каде што решавањето на проблемите со водоводната мрежа е еден од приоритетите. Градоначалничката на Град Скопје, Данела Арсовска заедно со екипи од секторот за уредување и скопското јавно претпријатие „Водовод и канализација“, извршија увид на градежните работи на реконструкција на водоводна мрежа на ул.Антон Попов во општината Гази Баба.
Со изведбата на водоводни приклучоци на овој потег кои се поврзуваат со постојната водоводна мрежа со профил од 150 милиметри, се решава повеќедеценискиот проблем на жителите со честите прекини во водоснабдувањето поради застареноста на системот, а се решаваат загубите на вода и трошоци за поправките на дефектите на водоводната мрежа.
Изведбата на приклучокот преставува дел од програмата на градоначалничката Данела Арсовска за обновување на градската мрежа, во децениски заборавените населени места, што претставуваше и долгогодишно барање на жителите од тој дел на градот.
Со почит,
Град Скопје
Одделение за односи со јавноста
_______________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
фото: Фејсбук на градоначалничката Арсовска