Апелациски суд: Тужбата на младите против американската Влада за климатските промени треба да се отфрли
- Американскиот апелациски суд во средата одлучи дека тужбата поднесена од 21 млад човек во која се тврди дека енергетската политика на американската влада ги крши нивните права за заштита од климатските промени мора да биде отфрлена.
![Апелациски суд: Тужбата на младите против американската Влада за климатските промени треба да се отфрли](https://new.mia.mk/index.php/images/20240502081534_big_730x400_16.webp )
Сан Франциско, 2 мај 2024 (МИА) - Американскиот апелациски суд во средата одлучи дека тужбата поднесена од 21 млад човек во која се тврди дека енергетската политика на американската влада ги крши нивните права за заштита од климатските промени мора да биде отфрлена.
Тричленскиот совет на окружниот Апелациски суд на САД со седиште во Сан Франциско во налог од пет страници наведе дека случајот требало да биде отфрлен откако судот првпат го слушнал проблемот во 2020 година.
Тогаш беше заклучено дека судовите не можат да наредат сеопфатни промени во политиката кои подобро би било да им се препуштат на Конгресот и на извршната власт. Иако младите тужители го намалија барањето, барајќи само изјава дека им се повредени правата, судот рече дека тужбите мора да се однесуваат на отштета што може да се поправи на суд и дека таквата изјава нема директно да им помогне на тужителите. паг/
Фото: МИА архива