Академија Пандев со победа, Шкупи со реми ги завршија подготовките во Анталија
- Победа и реми остварија македонските фудбалски прволигаши Академија Пандев и Шкупи на завршните контролни натпревари што денеска ги одиграа во Анталија.
![Академија Пандев со победа, Шкупи со реми ги завршија подготовките во Анталија](https://new.mia.mk/index.php/images/20221112040559_big_730x400_30.webp )
Анталија, 31 јануари 2022 (МИА) – Победа и реми остварија македонските фудбалски прволигаши Академија Пандев и Шкупи на завршните контролни натпревари што денеска ги одиграа во Анталија.
Струмичкиот прволигаш убедливо ја совлада софиска ЦСКА со 4:0 (1:0) со головите на Пандев, Бакар, Димоски и Ѓорѓиев. За Академија Пандев ова беше премиерниот триумф на подготовките в Анталија, откако претходно одигра нерешено против Нови Пазар (1:1) и Крилија Советов (0:0), додека загуби од Лјапи со 0:2.
Есенскиот шампион Шкупи ги заокружи подготовките во турскиот тренинг центар одигрувајќи нерешено 2:2 против Ахмат Грозни
Стрелци за скопскиот прволигашот беа повратник Омер Имери и Марко Ѓорѓиевски, додека Фреди Алварез во вториот дел не реализира пенал за Шкупи.ег/бт/