Адетокунбо го фаворизира Грифин за нов тренер на Милвоки
- Управата на Милвоки бакс избра тројца конечни кандидати за главен тренер: Ник Нурс, Кени Аткинсон и Адријан Грифин.
![Адетокунбо го фаворизира Грифин за нов тренер на Милвоки](https://new.mia.mk/index.php/images/20230525103022_big_730x400_71.webp )
Милвоки, 25 мај 2023 (МИА) – Управата на Милвоки бакс избра тројца конечни кандидати за главен тренер: Ник Нурс, Кени Аткинсон и Адријан Грифин.
Од петте тимови кои моментално се отворени за позицијата главен тренер, Милвоки е најблиску до решавање на ова прашање.
- Во моментов се води дијалог со Јанис Адетокунбо. Голем дел од одлуката се очекува да зависи од неговото мислење. А Јанис, колку што знам, е заинтересиран од можноста да работи со Адријан Грифин, пишува инсајдерот Марк Стајн.
Грифин работи како помошен тренер од сезоната 2008/09. Првите две сезони ги помина во Милвоки. Последните пет години - во Торонто, каде што стана шампион во НБА (2019). зс/
Фото: ЕПА