Манчестер, 26 ноември 2024 (МИА) – Голманот на Манчестер Јунајтед, Андре Онана ја освои овогодишната хуманитарна награда на Меѓународната асоцијација на професионални фудбалери (ФИФПРО) за медицинската грижа што неговата фондација им ја пружи на ранливите групи како во неговиот роден Камерун, така и во други земји од субсахарска Африка.
Во соработка со „Фондацијата Андре Онана“, лекарите во последните три години извршиле повеќе од 1.200 операции, пред сè на деца.
„На пат кон Манчестер поминав низ Барселона, Амстердам и Милано и на тој пат секогаш среќавав луѓе кои ми помагаа да се издигнам. Никогаш не ја заборавив помошта што ја добив и затоа чувствувам одговорност да им помагам на другите“, објави 28-годишниот Онана.
Заедно со наградата на Онана, на неговата донација ФИФПРО донираше 10.000 долари. ег

ФОТО: Фејсбук