Лозана, 31 декември 2024 (МИА) – Американската гимнастичарка Симон Бејлс и шведскиот натпреварувач во скок со стап Арманд Дуплантис се најдобри спортисти во 2024 година, во изборот на Меѓународната асоцијација на спортски новинари (AIPS).
Бејлс и Дуплантис убедливо победија во гласањето на 518 новинари од 111 земји, откако американската гимнастичарка освои двојно повеќе поени од второпласираната шпанска фудбалерка Аитана Бонмата, додека шведскиот атлетичар собра 235 поени повеќе од српскиот тенисер Новак Ѓоковиќ, кој го освои второто место.
Американката Бејлс во текот на оваа година на Олимписките игри во Париз освои три златни и еден сребрен медал, додека Дуплантис во текот на годината доминираше во скок со стап, а во Париз покрај златото постигна и нов светски рекорд. ег
ФОТО: Икс