Мадрид, 2 јануари 2025 (МИА) - Карло Анчелоти одби да зборува за потенцијалниот трансфер на Трент Александер-Арнолд во Реал Мадрид, велејќи дека неговата екипа е во позиција на „чекање“. Според британските медиуми, шпанскиот фудбалски клуб веќе испратил една понуда до Ливерпул за десниот бек, кому му истекува договорот.

-Јас и играчите сме целосно фокусирани на натпреварите во јануари и особено на утрешниот натпревар против Валенсија. Немам што повеќе да кажам. Трансферите се многу чувствителна тема во моментов и нема да зборувам за тоа бидејќи сега не е вистинскиот момент. Ќе видиме што ќе се случи, но јас сум среќен со мојот тим. Да, имаме повреди и други проблеми, но ќе ги надминеме, рече тој, цитиран од „Скај Спортс“.

Според англиските медиуми, Реал Мадрид дал понуда вредна 20-25 милиони фунти за правата на Александер-Арнолд. Десниот бек има 333 настапи за матичниот Ливерпул, за кого има запишано 20 гола и 85 асистенции. дс

Фото: Архива