Ukraina goditi sistemin rus S-300 në rajonin e Rostovit
- Forcat mbrojtëse të Ukrainës goditën sistemin rus të mbrojtjes ajrore S-300 afër Novoshahtinskit në rajonin e Rostovit, natën mes 20-21 gushtit, njofton Shtabi i përgjithshëm i Forcave të armatosura të Ukrainës në Telegram, transmeton Ukrinform.
- Post By Qefsere Abduli
- 10:31, 21 gusht, 2024
![Ukraina goditi sistemin rus S-300 në rajonin e Rostovit](https://new.mia.mk/images/20240821102131_big_730x400_92.webp )
Kiev, 21 gusht 2024 (MIA) - Forcat mbrojtëse të Ukrainës goditën sistemin rus të mbrojtjes ajrore S-300 afër Novoshahtinskit në rajonin e Rostovit, natën mes 20-21 gushtit, njofton Shtabi i përgjithshëm i Forcave të armatosura të Ukrainës në Telegram, transmeton Ukrinform.
"Njësitë e marinës së Ukrainës në bashkëpunim me elemente të tjera të Forcave mbrojtëse goditën pozicionin e sistemit ajror S-300 pranë Novoshahtinskit. Sipas rezultateve të kontrollit, janë vërejtur shpërthime në caqet e caktuara. Saktësia e goditjes po hetohet”, thuhet në publikimin.
Sipas Shtatmadhorisë, rusët po përdorin sistemet S-300 për të sulmuar qytetet e Ukrainës duke shkatërruar ndërtesa banimi dhe duke terrorizuar popullsinë.
Të gjitha elementet e Forcave mbrojtëse të Ukrainës vazhdojnë punën e tyre të përbashkët luftarake kundër caqeve të rëndësishme të Forcave të armatosura ruse, njofton Shtabi i përgjithshëm i Ukrainës. qa/
Foto: arkivi