Takim lamtumirës i ministrit Murtezani me euro-ambasadorin Gir
- Post By Melahat Baftija
- 10:33, 14 gusht, 2024
![Takim lamtumirës i ministrit Murtezani me euro-ambasadorin Gir](https://new.mia.mk/images/20240814103326_big_730x400_23.webp )
Shkup, 14 gusht 2024 (MIA) - Ministri për Çështje Evropiane, Orhan Murtezani sot mbajti takim lamtumirës me Shefin e Delegacionit të Bashkimit Evropian në Republikën e Maqedonisë së Veriut, ambasadorin Dejvid Gir.
Ministri falënderoi Euro-ambasadorin për angazhimin e tij profesional dhe personal gjatë mandatit të tij dhe bashkëpunimin e shkëlqyer me Delegacionin e BE-së në vend, të cilat ishin të rëndësisë së jashtëzakonshme në avancimin e bashkëpunimit në shumë sfera, njoftoi Ministria për Çështje Evropiane.
Ministri Murtezani e siguroi Ambasadorin Gir se Qeveria e Republikës së Maqedonisë së Veriut mbetet e përkushtuar ndaj përcaktimit strategjik për anëtarësimin e plotë në Union dhe zbatimin e reformave të nevojshme dhe mbartjes së vlerave dhe standardeve evropiane në sistemin (shoqërinë) tonë.
Ministri Murtezani i uroi ambasadorit Gir suksese në karrierën e tij të mëtejshme! mb/
Foto: Ministria për Çështje Evropiane