Uashington, 23 dhjetor 2024 (MIA) - Adminstrata e presidentit amerikan në largim Xhozef Bajden është e shqetësuar se Irani mund të fitojë armë bërthamore, tha mbrëmë këshilltari për sigurinë kombëtare të Shtëpisë së Bardhë, Xhejk Salivan.

Salivan deklaroi për Si-En-En se e informoi ekipin e Presidentit të sapozgjedhur Donald Tramp për kërcënimin, duke theksuar se ekziston rreziku që Irani të refuzonte premtimin e tij për të mos prodhuar armë bërthamore. Ai gjithashtu vuri në dukje se SHBA kishte diskutuar për këtë me Izraelin.

Salivan tha se Tramp do të ket[ mundësinë të vazhdojë negociatat me Iranin për programin e tij bërthamor duke pasur parasysh atë, siç e quajti një "shtet të dobësuar të Iranit" dhe ndoshta të arrijë një marrëveshje bërthamore që do të "ndalonte ambiciet bërthamore të Iranit në afat të gjatë". ls/

Foto: EPA