Shkup, 13 gusht 2024 (MIA) - Nuk do të financojmë turizmin olimpik siç po na ndodh për momentin, por do të forsojmë më të talentuarit, do të financojmë programet e tyre, por do të kërkojmë edhe rezultatet e duhura. Do të ndryshojmë plotësisht qasjen. Do të bëjmë një analizë të plotë të të gjithë olimpistëve potencialë të ardhshëm dhe do të fokusohemi në to, paralajmëroi sot ministri i sportit Borko Ristovski.

Duke iu përgjigjur pyetjeve të gazetarëve, Ristovski theksoi se për të kërkuar rezultate nga sportistët tanë, fillimisht duhet të sigurohen kushtet e duhura. Megjithatë, vlerësoi, rezultatet e dobëta olimpike të deritanishme janë pasojë e funksionimit jo të duhur, pavarësisht nga fondet të cilët ishin në dispozicion dhe kushtet ekzistuese.

"Kemi olimpikë në rajon, si në Kosovë, për shembull, të cilët kanë dy ose shumë më shumë rezultate në Olimpiadë. Domethënë, nuk është punuar siç duhet, pavarësisht nga mjetet që kanë pasur dhe kushtet ekzistuese. Me respektin e duhur nuk mund të themi se Kosova është Gjermani, Francë apo Itali në kushte, por më e rëndësishme është mënyra se si u trajtuan olimpistët", theksoi Ristovski.

Programet e Ministrisë së Sportit do të jenë publike, theksoi, ndërsa të gjitha federatat dhe sportet që do të hyjnë në strategjinë katërvjeçare do të financohen plotësisht dhe do të sigurohen plotësisht kushtet për zhvillimin e tyre. Vetëm atëherë do të jemi në gjendje të kërkojmë rezultate, deri atëherë mund të shpresojmë për ndezje individuale, si Dario, Mirela.

Ai informoi dhe se tashmë është në përgatitje e sipër ndërtimi i disa shtigjeve atletike në mbarë vendin dhe do të fillojë nga Gjevgjelia. rq/

Foto: MIA