Po përmirësohet kapaciteti i AUV për kontroll të sëmundjeve te kafshët
- - Zbatimi efektiv i sistemit të kontrollit të sëmundjeve të kafshëve me dhjetë aktivitete të ndryshme, forcimi i kapaciteteve të sigurisë ushqimore me katër aktivitete, përmirësimi i sistemit të kontrollit zyrtar me katër aktivitete dhe përmirësimi i sistemit të mbledhjes së të dhënave dhe vlerësimit të rrezikut me katër aktivitete, është rezultat i projektit “Përmirësimi i kontrollit e sëmundjeve të kafshëve dhe zbatimi i sistemit të sigurisë ushqimore” që është zbatuar që nga prilli 2022 dhe përfitues kryesor i të cilit është Agjencia e Ushqimit dhe Veterinarisë (AUV).
- Post By Fitore Curri
- 13:35, 22 gusht, 2024
![Po përmirësohet kapaciteti i AUV për kontroll të sëmundjeve te kafshët](https://new.mia.mk/images/20240822133519_big_730x400_58.webp )
Shkup, 22 gusht 2024 (MIA) - Zbatimi efektiv i sistemit të kontrollit të sëmundjeve të kafshëve me dhjetë aktivitete të ndryshme, forcimi i kapaciteteve të sigurisë ushqimore me katër aktivitete, përmirësimi i sistemit të kontrollit zyrtar me katër aktivitete dhe përmirësimi i sistemit të mbledhjes së të dhënave dhe vlerësimit të rrezikut me katër aktivitete, është rezultat i projektit “Përmirësimi i kontrollit e sëmundjeve të kafshëve dhe zbatimi i sistemit të sigurisë ushqimore” që është zbatuar që nga prilli 2022 dhe përfitues kryesor i të cilit është Agjencia e Ushqimit dhe Veterinarisë (AUV).
Në kuadër të projektit, të financuar nga Bashkimi Evropian në vlerë prej 868 mijë euro, ndërsa i zbatuar nga konsorciumi KAPA, ngjarja përfundimtare që u mbajt sot në Shkup, ishin realizuar një numër i madh i aktiviteteve të cilët i avancuan sistemet institucionale për shëndet të kafshëve dhe shëndetit publik përmes qasjes së integruar multidisplinare.
“Aktivitetet e zbatuara të projektit mundësuan përmirësimin e sistemit kombëtar të shëndetit të kafshëve për të siguruar zbulimin e hershëm dhe reagimin efektiv ndaj sëmundjeve të kafshëve duke zbatuar sisteme të avancuara të mbikëqyrjes së BE-së. Synimi i tyre përfundimtar është mbrojtja e shëndetit të qytetarëve, duke rritur besimin e tyre në sistemet e kontrollit të institucioneve dhe duke ofruar kushte për shpërndarje më të mirë të produkteve vendore në tregjet evropiane dhe më gjerë”, tha drejtori i AUV Oliver Milanov.
Ai theksoi se përmes projektit janë zhvilluar edhe plane gjithëpërfshirëse për kontroll dhe çrrënjosje të sëmundjeve me prioritet në bashkëpunim me veterinerët privatë dhe Odën e Veterinarëve. Fakulteti i Mjekësisë Veterinare nga Shkupi me fermerë dhe organe të tjera kompetente me qëllim të sigurimit të qasjes së koordinuar lidhur me shëndetin e kafshëve.
Theksoi se nga numri i madh i aktiviteteve të realizuara në kuadër të projektit dolën edhe një numër i madh i dokumenteve të shkruara të cilat në të ardhmen do ta përmirësojnë efektivitetin dhe cilësinë në punën e AUV-së, por edhe të institucioneve të tjera kompetente përgjegjëse për sistemin për kontroll të sëmundjeve te kafshët dhe sigurisë së ushqimit.
Shefi i Departamentit të Operacioneve në Delegacionin e BE-së në Shkup, Stefen Hudolin, tha se edhe pse kjo është një ngjarje e përfunduar, ai ende nuk dëshiron ta konsiderojë si fund të diçkaje, por, siç tha ai, ende duhet të të fillojë puna për temat e projektit të cilat do të bëjnë të mundur rritjen e kapaciteteve për sigurinë ushqimore dhe do të përmirësojë pozicionin fillestar të vendit për fillimin e negociatave me Bashkimin Evropian.
“Kemi shumë dokumente dhe rekomandime të përgatitura për sigurinë ushqimore dhe kontrollin e sëmundjeve të kafshëve, të cilat tani duhet të përkthehen në legjislacionin maqedonas dhe të miratohen dhe zbatohen për sigurinë e të gjithë qytetarëve në vend, si dhe për procesin e anëtarësimit të Maqedonisë së Veriut në BE”, deklaroi Hudolin.
Ne, shtoi, besojmë se ata do të ndihmojnë në procesin e bisedimeve përmes përkthimit të AKI evropiane në këtë pjesë të rëndësishme për sigurinë e ushqimit dhe shëndetit.
Fotografia: MIA