Shkup, 15 maj 2023 (MIA) - Ministrja e Mbrojtjes, Sllavjanka Petrovska paralajmëroi se nesër do të mbahet seanca përgatitore për kontestin gjyqësor, të cilin e ka iniciuar kundër Dragan Kovaçkit.

"Nesër me fillim prej orës 10:40 në Gjykatën Themelore 1 do të mbahet seanca përgatitore për kontestin gjyqësor të cilin e inicova kundër të pavërtetave të shprehura të Dragan Kovaçkit ndaj meje", publikoi Petrovska në Fejsbuk.

Ajo thotë se të gjitha gënjeshtrat që i ka thënë Kovaçki kundër saj do të demaskohen.

"Siç premtova do të kërkoj gjykimi të jetë transparent dhe publik, ndërsa të gjitha gënjeshtrat që i ka shpikur Kovaçki kundër meje gjatë periudhës së kaluar, do të demaskohen", shkroi Petrovska në publikimin në Fejsbuk.

Foto: Arkivi i MIA-s