Shkup, 8 prill 2026 (MIA) - Filloi rikonstruksioni i rrugës Brsjaçka Buna në komunën e Shuto Orizarës. Kryeministri Hristijan Mickoski, së bashku me ministrin e Vetëqeverisjes Lokale, Zllatko Perinski, si dhe kryetarët e komunave të Qytetit të Shkupit dhe Shuto Orizarës, Orce Gjorgjievski dhe Kurto Dudush, sot pasdite inspektuan aktivitetet ndërtimore në rrugë. Duke uruar Ditën Ndërkombëtare të Romëve - 8 Prillin, ata paralajmëruan edhe projekte të tjera të planifikuara për të ardhmen në këtë komunë të Shkupit.

"Më lejoni së pari t’ju uroj Ditën Botërore të Romëve – 8 Prillin dhe t’u dëshiroj të gjithë bashkëqytetarëve tanë romë, para së gjithash, sukses në jetë, gjë që është shumë e rëndësishme. Natyrisht, uroj shëndet dhe lumturi, të cilat ua dëshiroj të gjithë qytetarëve. Por, sot është një ditë kur duhet të kujtojmë gjithçka që ndoshta gjatë viteve dhe dekadave të kaluara e kemi lënë pas dore. Të njëjtën gjë ta identifikojmë edhe në të ardhmen, gjithçka që është lënë pas dore ta kompensojmë, pra ta realizojmë, dhe në këtë drejtim është edhe kjo vizitë e sotme këtu në komunën e Shuto Orizares. Të tregojmë se kjo Qeveri e identifikon komunën e Shuto Orizares dhe dëshiron të ndihmojë në realizimin e projekteve infrastrukturore", tha kryeministri. 

Ai shtoi se bëhet fjalë për 58 projekte me një vlerë të përgjithshme prej rreth 4,5 milionë euro, afërsisht 275 milionë denarë.

"Por, përveç projekteve që financohen përmes thirrjes së parë dhe të dytë nga Ministria e Vetëqeverisjes Lokale, për çka i shpreh mirënjohje ministrit që sot është me ne, kemi projekte që realizohen edhe përmes resorëve të tjerë të Qeverisë, siç është Ministria e Transportit, për çka i shpreh falënderim zëvendëskryeministrit dhe ministrit të transportit, gjithashtu falënderoj edhe kryetarin e Qytetit të Shkupit, i cili së bashku me kryetarin e komunës së Shuto Orizares kontribuon që të kemi plane të qarta për zhvillimin e mëtejshëm të komunës së Shuto Orizares", shtoi kryeministri në deklaratë për mediat.

Ai falënderoi të gjithë të përfshirët, qytetarët për durimin dhe tolerancën e tyre gjatë zbatimit të këtyre projekteve, por, megjithatë, kur të përfundojë e gjithë kjo, siç theksoi ai, ato shqetësime nga më shumë pluhur, nga më shumë mbingarkesë trafiku do të harrohen dhe atëherë do të ketë infrastrukturë që do të përmirësojë cilësinë e jetës për ta.

"Mesazhi im për kryetarët e komunave është që të përgatiten, sepse vitin e ardhshëm sërish do të kemi një thirrje të tillë, vetëm të shohim mundësitë në buxhet, në mënyrë që të mund të realizojnë projekte që do të sjellin vlerë të shtuar në cilësinë e jetës së qytetarëve në komunat e tyre", theksoi kryeministri. 

Kryetari i Qytetit të Shkupit, Gjorgjievski, gjithashtu shprehu kënaqësi.

"Ne kemi filluar mjaft projekte kapitale në periudhën e kaluar dhe në këtë sezon ndërtimi, do të thoja hapja, praktikisht në të gjitha pjesët e kryeqytetit do të kemi realizimin e projekteve të mëdha, nuk do të jetë në atë zhvillim të barabartë, sigurisht që Shuto Orizari nuk do të lihet jashtë, theksoi Gjorgjievski në deklaratë për mediat. 

Gjorgievski informoi se po përgatitet dokumentacioni për disa projekte që lidhen me furnizimin me ujë në Shuto Orizare. U njoftua se Qyteti, përmes bashkëpunimit ndërkomunal, do të marrë pjesë në rindërtimin e disa rrugëve në këtë komunë. Gjorgievski njoftoi gjithashtu ndërtimin e një stadiumi, si dhe po përgatitet dokumentacioni për ndërtimin e një qendre kulturore.

Gjorgjievski tha se Qeveria është ndihmë serioze si për Qytetin, ashtu edhe për komunat e Shkupit. 

Kryetari i Komunës së Shuto Orizarës, Dudush, tha se po prezantohen projekte që nuk janë mbajtur mend më parë në histori.

"Kjo është histori për Shuto Orizarën, kurrë më parë nuk është investuar kaq shumë në komunën e Shuto Orizarës, dhe për këtë i falënderojmë Qeverinë, kryeministrin Hristijan Mickoski", shtoi ai.

Dudush tha se sot shënohet 8 Prilli me përmirësim të cilësisë së jetës së romëve në komunën Shuto Orizarë. fc/

Foto: MIA

Video: Qeveria