Pekin, 31 mars 2026 (MIA) - Kina dhe Pakistani kanë publikuar një plan me pesë pika për të "rivendosur paqen dhe stabilitetin në rajonin e Gjirit Persik dhe Lindjes së Mesme", ndërsa dokumenti doli nga takimi i sotëm i ministrave të Punëve të Jashtme të të dy vendeve në Pekin.

-Të dyja vendet bënë thirrje për  ndërprerje "urgjente" të armiqësive dhe "përpjekje maksimale" për të parandaluar përhapjen e konfliktit. Ata gjithashtu kërkuan që ndihma humanitare të dërgohet në zonat e shkatërruara nga lufta.

-Sa më shpejt që është e mundur duhet të fillojnë bisedimet që do të mbulojnë sovranitetin, integritetin territorial, pavarësinë kombëtare dhe sigurinë e Iranit dhe vendeve të tjera në rajon.

-Civilët duhet të mbrohen gjatë luftimeve. Kina dhe Pakistani u bënë thirrje të gjitha palëve të ndalojnë sulmet ndaj civilëve dhe objektivave joushtarake.

-Ngushtica e Hormuzit, si rrugët e tjera ujore kryesore, duhet të sigurohet dhe të gjitha anijet që kalojnë nëpër to duhet të mbrohen.

-Kina dhe Pakistani kanë bërë thirrje së bashku për një rol të forcuar për Kombet e Bashkuara dhe një zgjidhje në përputhje me Kartën e OKB-së.

Pakistani deri më tani ka luajtur një rol të rëndësishëm si ndërmjetës në konflikt, duke përcjellë mesazhe midis Shteteve të Bashkuara të Amerikës dhe Iranit. Islamabadi i ka dorëzuar Teheranit planin amerikan të paqes me 15 pika, si dhe përgjigjen e Iranit.

Ai gjithashtu priti ministrat e jashtëm nga rajoni gjatë fundjavës dhe njoftoi se do të organizojë bisedime të ardhshme midis Iranit dhe SHBA-së. mb/

Foto: EPA