Kumanovë, 3 korrik 2025 (MIA) - Një pyll i përzier me pisha dhe bar i thatë po digjet në zonën e fshatit Dllaboçicë në komunën e Nagoriçanit të Vjetër, njoftuan sot nga Njësia Territoriale e Zjarrfikësve e komunës dhe Qendra Rajonale për Menaxhim me Kriza Kumanovë.

Ekipet nga NJTZ Nagoriçan i Vjetër, si dhe dega e Kumanovës e "Pyjeve Kombëtare", janë ende në terren.

"Zjarri shpërtheu pas orës 13:00. Në vendngjarje ishin tetë zjarrfikës dhe dy automjete zjarrfikëse, ndërsa në ndihmë erdhën kolegët nga NJTZ nga Rankovcë me dy automjete zjarrfikëse dhe katër zjarrfikës dhe punonjës nga "Pyjet Kombëtare". Kemi tetë zjarrfikës në detyrë dhe ende po punojmë. Këtë mëngjes vazhduam përsëri, dhe këtu janë edhe ekipe nga dega Kumanovë e Pyjeve Kombëtare", tha komandanti i NJTZ Nagoriçan i Vjetër, Dalibor Trajkovski.

Zëvendësdrejtori i Përgjithshëm i "Pyjeve Kombëtare", Kire Mihailov, njoftoi se ekipet e tyre janë ende në terren dhe informoi se një nga koleget e tyre është lënduar.

"Po përpiqemi me të gjitha forcat ta vëmë nën kontroll dhe më vonë ta lokalizojmë. Është një pyll i përzier me pisha dhe dru ahu, terreni është i vështirë për t'u aksesuar nga automjetet, ekipet duhet të shkojnë në këmbë me pompa shpine", tha Mihailov. sa/

Foto: MIA dhe NJTZ Nagoriçan i Vjetër