Neapol, 19 gusht 2024 (MIA) - Në Neapol javën e kaluar është arrestuar një falsifikues i dyshuar për shtypjen e 11 milionë eurove në kartëmonedha false, kumtoi sot Europol.

Europol raportoi se i arrestuari, të cilin nuk e përmend, tashmë ka shitur tetë milionë euro kartëmonedha të falsifikuara në mbarë Evropën dhe shtoi se  policia nga ai ka konfiskuar  pothuajse tre milionë euro kartëmonedha.

"Përveç kësaj, besohet se falsifikuesi i arrestuar është përgjegjës për më shumë se 27 për qind të të gjitha kartëmonedhave të falsifikuara në euro të tërhequr nga qarkullimi vetëm në vitin 2023", kumtoi Europol.

Europol, selia e të cilit është në Hagë, informon se në arrestim ka marrë pjesë edhe policia franceze sepse një pjesë të madhe të kartëmonedhave falsifikuesi i ka lëshuar në qarkullim në Francë. sa/

foto: Arkivi i MIA-s