Në Nagoriçan të Vjetër është aktiv zjarri në Malotinë dhe Zheglanë, në Kumanovë në atarin e Kokoshinjës, Kshanjës dhe Murgashitit
- Zjarri në Malotinë dhe Zheglan, Komuna e Nagoriçanit të Vjetër është ende aktiv, ndërsa në rajonin e Kumanovës janë aktive zjarret të cilat shpërthyen dje rreth pasdites në Kokoshinjë, Kshanjë dhe Murgash, njoftoi sot në video-deklaratë, drejtori i Qendrës për Menaxhim me Kriza, Stojançe Angellov.
- Post By Qefsere Abduli
- 12:12, 30 korrik, 2024
![Në Nagoriçan të Vjetër është aktiv zjarri në Malotinë dhe Zheglanë, në Kumanovë në atarin e Kokoshinjës, Kshanjës dhe Murgashitit](https://new.mia.mk/images/20240730114846_big_730x400_20.webp )
Kumanovë, 30 korrik 2024 (MIA) - Zjarri në Malotinë dhe Zheglan, Komuna e Nagoriçanit të Vjetër është ende aktiv, ndërsa në rajonin e Kumanovës janë aktive zjarret të cilat shpërthyen dje rreth pasdites në Kokoshinjë, Kshanjë dhe Murgash, njoftoi sot në video-deklaratë, drejtori i Qendrës për Menaxhim me Kriza, Stojançe Angellov.
Zjarri që përfshiu pyllin e ulët, bimësinë, barin, po shuhet aktualisht edhe me helikopterë. Nënkryetari i komunës së Nagoriçanit të Vjetër, Boban Cvetanovski, thotë se terreni është i paarritshëm.
"Gjatë gjithë kohës janë të pranishëm ekipet e zjarrfikësve territorialë, të ndërmarrjes publike të “Pyjeve Kombëtare”, ekipe të njësive zjarrfikëse nga komunat fqinje. Terreni është i paarritshëm. Janë djegur disa shtëpi, nuk e dimë numrin e saktë", deklaroi Cvetanovski.
Komandanti i NJTZ Nagoriçanit të Vjetër, Dalibor Trajkovski tha se zjarri është në një vend jashtëzakonisht të paarritshëm.
Qendra Rajonale e Kumanovës për Menaxhim me Kriza njoftoi se dje është shuar zjarri në zonën e kësaj komune dhe në Rugjincë, ku kanë punuar zjarrëfikësit nga Nagoriçani i Vjetër, Kumanova dhe Kratova, si dhe ka pasur edhe shtëpi të djegura.
Zjarrfikësit nga Kumanova dje dhe gjatë natës kanë punuar në zjarrin e madh mes fshatrave Kokoshinj dhe Kshanjë. Siç njoftoi QMK, një person ka humbur jetën duke u mbytur nga tymi, ndërsa gruaja e tij është evakuuar.
Sipas komandantit të NJTZ Kumanovë, Dejan Ilievski, dje ka pasur njëmbëdhjetë zjarre.
Më kritike ishte në zonën ndërmjet fshatit Kokoshinjë dhe Kshanjë në zonën e Komunës së Kumanovës afër Sveti Nikollës. Aty është djegur bar i thatë, pyll i ulët i degraduar.
Sipas Qendrës Rajonale të Menaxhimit të Krizave të Kumanovës, në zonën e Kshanjës dhe Kokoshinjës është intervenuar nga ora 12:45 me katër makina zjarrfikëse me 12 zjarrfikës.
Krahas kësaj, zjarrfikësit e Kumanovës kanë intervenuar në barin e thatë të djegur në afërsi të Zebërnjakut, afër Nikushtakut, afër stacionit të filtrimit. qa/
Foto: MIA