18:00/ 8 nëntor/ 2024

Shkup - Për vaksinimin kundër gripit sezonal deri më tani janë regjistruar mbi 71 mijë qytetarë, që tregon një interes të madh të njerëzve për t'u mbrojtur nga komplikimet. Në pikat e vaksinimit deri më tani janë vaksinuar mbi 50 mijë persona, informuan sot pasdite nga Ministria e Shëndetësisë. 

Shkup - Ministri i Ekonomisë dhe Punës Besar Durmishi realizoi sot takim me ambasadorin e ri të BE-së në shtet, Mihalis Rokas, kumtuan nga Ministria. 

Shkup - Përfundon modernizimi i fushës 110 kV në trafostacionin 400/110 kV Manastir 2. Projektet për ndërrimin e pajisjeve të tensionit të lartë janë në fazën përfundimtare, me ç’rast pas më shumë se 40 vitesh ndërrohen ndërprerësit e vjetër në 110 kV nivel tensioni  dhe u vendosen  67 separatorë të rinj në  400 kV nivel tensioni, 114 izolatorë dhe 75  transformatorë të rinj matës  në 110 kV nivel tensioni, informon SHA MEPSO.

Shkup - Takim sot ka mbajtur Komiteti i punës për Strategjinë kombëtare të zhvillimit (SKZH), organ këshillimor i Këshillit që siguron mbështetje eksperte dhe teknike në zbatimin e Strategjisë kombëtare të zhvillimit 2024-2044, kumtoi Ministria e Energjisë, Minierave dhe Burimeve Minerale. 

Shkup - Rezervat devizore në fund të tetorit të këtij viti arritën në 4.975.6 milionë euro dhe në krahasim me muajin e kaluar shënuan rritje për 568.9 milionë euro, kumtoi Banka Popullore.

Shkup - Ministri i Vetadministrimit Lokal, Zllatko Perinski, i cili është për vizitë punuese në Slloveni, sot u takua me kryebashkiakun e Lubjanës, Zoran Jankoviq, me të cilin kanë këmbyer përvoja dhe praktika pozitive nga vendet nga rajoni në drejtim të përgatitjes së ndryshimeve të planifikuara të Ligjit për Vetadministrim Lokal.

Shkup- Drejtoria e policisë financiare ka ngritur kallëzim penal në Prokurorinë Themelore Publike - Shkup kundër tre zyrtarëve në Ministrinë e Bujqësisë, Pylltarisë dhe Ekonomisë së Ujërave.

Prishtinë - Ish kryeministri i Kosovës, Avdullah Hoti ka thënë se Qeveria e re e Kosovës duhet të kthejë fokusin tek marrëveshja e Uashingtonit. Hoti ka shkruar në profilin e tij se nisja e projekteve infrastrukturore është në interesin e Kosovës dhe qeveria e re duhet të nis menjëherë përgatitjen e planeve zbatuese dhe të sigurojë financimin bazë, për t’u futur më tej në negociata me partnerët strategjik për zbatim e financim të plotë të projekteve.

Tiranë - Një anije që transporton mbetje industriale toksike do të mund të shkarkohet në portin shqiptar Durrës, kumtuan sot autoritetet pasi iu refuzua hyrja në Tajlandë dhe kaloi muaj në det.

Romë - Organizata e Kombeve të Bashkuara për Ushqim dhe Bujqësi (FAO) sot e pubikoi vlerën referenente të çmimeve botërore të ushqimeve në tetor të këtij viti, e cila arriti në nivelin më të lartë në 18 muajt e fundit, për shkak të rritjes së madhe të çmimeve të vajrave bimore.

Madrid - Dhjetë ditë pas përmbytjeve katastrofike në Valencia të Spanjës, 78 persona rezultojnë ende si të zhdukur, publikoi Qeveria në platformën Iks.

Bruksel - Bashkimi Evropian sot zhvillon një stërvitje në lidhje me koordinimin e veprimeve në rast të një sulmi kibernetik në shkallë të gjerë, kumtoi Komisioni Evropian.

Kiev - Shefi i kabinetit të presidentit ukrainas, Andrij Jermak e kritikoi deputetin e Radës Supreme të Ukrainës, Evgenij Shevçenko i cili i bëri thirrje presidentit Volodimir Zelenski të negociojë me Rusinë.

Bruksel - Kërcënimi për jetën që kam marrë në emailin tim zyrtar është pasqyrë e polarizimit të shoqërisë sonë, sepse është dërguar pas deklaratës time për definicionin e gjuhës shqipe në Kushtetutë, deklaroi për MIA-n zëvendëskryeministri për politika të qeverisjes së mirë, Arben i cili po qëndron për vizitë pune në Bruksel.

Budapest - Administrata e re amerikane e Donald Trampit do të ndalet me dhënien e ndihmës për Ukrainën në luftën e saj kundër pushtimit rus, deklaroi sot kryeministri hungarez, Viktor Orban para mbledhjes së Këshillit evropian në Budapest.

Santiago - Një tërmet i fuqishëm me intensitet prej 6,3 ballë sipas shkallës së Rihterit sot u regjistrua në pjesën jugore të Kilit.