Mexhiti: MO-ja është marrëveshje për shtetin – nuk është marrëveshje për pjesëmarrjen në pushtet të një partie politike përjetësisht!
- Post By Fami Bajrami
- 14:04, 13 gusht, 2024
![Mexhiti: MO-ja është marrëveshje për shtetin – nuk është marrëveshje për pjesëmarrjen në pushtet të një partie politike përjetësisht!](https://new.mia.mk/images/20240813140421_big_730x400_36.webp )
Shkup, 13 gusht 2024
Në panel diskutimin e mbajtur sot, në shënimin e ditës së nënshkrimit të Marrëveshjes së Ohrit, organizatori dhe nikoqiri Izet Mexhiti në cilësinë e zv/kryeministrit të parë mes tjerash tha: “Ditëve të fundit është ringjallur tema e Marrëveshjes së Ohrit, por për fat të keq, jo në dritën e saj pozitive por më tepër si instrument për manipulimin e opinionit.
Më lejoni ta pëmbylli fjalën time sot duke thënë se Marrëveshja e Ohrit është marrëveshje për shtetin – nuk është marrëveshje për pjesëmarrjen në pushtet të një partie politike përjetësisht. Periudha përpara nesh do të jetë periudhë në të cilën ne do të hapim një etapë të re të politikës dhe politikë bërjes.
Maqedonia e veriut, nga një shtet / shoqëri me marrëveshje, do të avancojë drejt një shoqërie të ‘marrun vesh’- pra, nga një shoqëri post-konfliktuale, funksionimi i të cilës garantohet nga një marrëveshje paqësore, detyra jonë është që Maqedoninë e veriut ta bëjmë një shoqëri moderne në të cilën institucionet do ta reflektojnë barazinë e plotë në çdo nivel dhe dimension të funksionimit.
Me pak fjalë, ne nuk mund të rijmë duke u marrë vesh pafundësisht. Tani ka ardhur koha që marrëveshjet e arritura të kthehen në bazë për modernizimin dhe evropianizimin e shtetit”.
__________________________________________________________________________________________________________________
MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.