Liderët e Lidhjes Evropiane për Ndryshim priten në Uashington nga Kongresmeni Xhim Himes
- Gjatë qëndrimit zyrtar në Uashington liderët e Lidhjes Evropiane për Ndryshim, Afrim Gashi, Bilall Kasami dhe Izet Mexhiti vazhdojnë takimet me zyrtarë të lartë amerikanë.
- Post By Fami Bajrami
- 12:23, 18 janar, 2024
![Liderët e Lidhjes Evropiane për Ndryshim priten në Uashington nga Kongresmeni Xhim Himes](https://new.mia.mk/images/20240118122303_big_730x400_24.webp )
Shkup, 18 janar 2024
Gjatë qëndrimit zyrtar në Uashington liderët e Lidhjes Evropiane për Ndryshim, Afrim Gashi, Bilall Kasami dhe Izet Mexhiti vazhdojnë takimet me zyrtarë të lartë amerikanë.
Sot në Uashington ata janë pritur nga Kongresmeni Xhim Himes, bashkëkryetar i Dhomës së Përfaqësuesve të SHBA-së dhe pjesë e Grupit Parlamentar për Çështjet Shqiptare. Në këtë takim edhe një herë u theksua roli jashtëzakonisht jetësor i SHBA-së në ruajtjen e paqes dhe stabilietit, edhe përkundërt tentativave të vazhdueshme për ta rrezikuar atë. Miqësia shqiptaro-amerikane e cila jep një kontribut të veçantë në jetën politike të rajonit, duhet thelluar edhe më tej. Liderët e Lidhjes me Kongresmenin Himes ndanë qëndrimin e njëjtë për nevojën e demokratizimit të mëtutjeshëm të vendit si dhe për rëndësinë jetike të integrimit të vendit në BE si alternativa e vetme për rajonin. Me këtë rast kongresmenit Himen iu paraqit shqetësimi për përmasat e rrezikshme të korrupsionit në Maqedoninë e Veriut, problem ky i cili po shndërrohet në pengesën kryesore për hapërimin e vendit drejt integrimit në familjen evropiane, gjë që dëshmohet edhe me futjen në listë të eksponentëve nga jeta politike e Maqedonisë së Veriut.
Lidhja Evropiane për Ndryshim
_________________________________________________________________________________
MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.