Izraeli pohon se është vrarë Hashem Safiedin, trashëgimtari i pritur i liderit të Hezbollahut
- Ushtria izraelite mbrëmë ka konfirmuar se është vrarë Hashem Safiedin, trashëgimtari i pritur i liderit të Hezbollahut, Hasan Nasrallah.
- Post By Melahat Baftija
- 10:14, 23 tetor, 2024
Jerusalem, 23 tetor 2024 (MIA) - Ushtria izraelite mbrëmë ka konfirmuar se është vrarë Hashem Safiedin, trashëgimtari i pritur i liderit të Hezbollahut, Hasan Nasrallah.
Sipas raportit të ushtrisë, ai është vrarë në një sulm ajror në Bejrut në fillim të tetorit.
"Tani mund të konfirmojmë se Hashem Safiedin, lideri i Këshillit ekzekutiv të organizatës Hezbollah, është vrarë në një sulm rreth tre javë më parë” në periferinë jugore të Bejrutit, bëri të ditur ushtria.
Udhëheqësi i Hezbollahut, Hasan Nasrallah, është vrarl në fund të shtatorit në një sulm ajror izraelit ndaj selisë nëntokësore të Hezbollahut në periferinë jugore të Bejrutit, Dahija. mb/
Foto: EPA