Bruksel, 24 tetor 2024 (MIA) - Europol ka kryer një aksion që synon ushqimin dhe pijet nën standarde dhe të falsifikuara. U sekuestruan gjithsej 22.000 ton ushqime dhe 850.000 pije, kryesisht alkoolike.

Janë sekuestruar 22.000 tonë ushqime të ripaketuara pas datës së skadimit dhe 850.000 pije, prej të cilave kryesisht alkoolike. Europol kumtoi se u shkatërruan 11 rrjete kriminale dhe u shkruan 104 urdhër arreste. Janë lëshuar 184 urdhra për kontrolle, ndërsa 278 persona janë denoncuar në organet gjyqësore.

Vlera totale e produkteve të sekuestruara është mbi 91 milionë euro.

Mashtrimi me ushqim, gjegjësisht falsifikimi i ushqimeve dhe pijeve dhe abuzimi me shenjat gjeografike është një fushë e rëndësishme dhe serioze e krimit me të cilën duhet të luftojmë në nivel ndërkombëtar. Qëllimi i operacionit OPSON është të mbrojë shëndetin publik dhe në fund të shkatërrojë rrjetet e krimit të organizuar të përfshirë, theksohet në kumtesë.

Hulumtuesit në të gjithë Evropën kanë vënë re një vazhdimësi të trendit të mashtruesve të cilët shesin ushqime me afat të skaduar. Duke depërtuar në kompanitë e depozitimit të mbetjeve, ata morën sasi të mëdha ushqimesh të cilëve iu kishte skaduar afati që duheshin asgjësuar. Pastaj, thjesht duke fshirë dhe rivulosur datat e skadimit ose duke vendosur etiketa të reja, ata përsëri i prezantuan produktet e skaduara në zinxhirin e furnizimit.

Sa u takon ushqimeve të falsifikuara dhe të etiketuara gabimisht, vaji i ullirit dhe verërat me përcaktim të origjinës së mbrojtur (PDO) janë produktet më të prekura.

Garda civile spanjolle në bashkëpunim me Europolin, arrestoi katër persona dhe sekuestroi rreth 120.000 kanaçe tuna dhe 45.000 litra vaj. Pronarët e arrestuar të një kompanie për konservim në La Rioha përgatisnin mallra të konservuara me tuna të një cilësie më të ulët se sa tregohet në etiketa, si dhe me vaj luledielli të etiketuar si vaj ulliri, me çka i lejonte të shisnin produktet me çmime të larta.

Nëpunësit italianë sekuestruan rreth afër 42 ton naftë të falsifikuar. Produkti, i cili tregtohej si vaj ulliri ekstra i virgjër italian, ishte gati për shpërndarje. Policia sekuestroi lokacione të ndryshme, duke përfshirë magazina, si dhe 71 ton lëndë të prekura, të ruajtura në kosha plastike dhe kanaçe të madhësive të ndryshme, si dhe 623 litra klorofil të përdorur për falsifikimin e vajit.

Vlera totale e sendeve të konfiskuara, duke përfshirë pajisje për paketim, etiketa, automjete transporti, pirunët dhe elektronikë arrin në 900.000 euro.

Rrjeti kriminal ka falsifikuar dhe verë të kuqe fraceze, të cilat janë shitur deri në 15.000 euro për shishe. Vera e rrejshme prodhohej në itali dhe shpërndahej përmes tregtarëve të ndershëm me çmime botërore.

Operacioni çoi deri në gjashtë arrestime dhe sekuestrim në vlerë deri në 1.4 milionë euro, si dhe mbi 100.000 euro para të gatshme dhe dokumente. rq/

Foto: arkivi i MIA-s