Shkup, 16 dhjetor 2024 (MIA) - Në Çifte hamam sonte do hapet ekspozita "Udhëtim nëpër ngjyra - Krijimtari tridhjetë vjeçare jubilare", e artistit dhe profesorit Bashkim Mexhiti. 

Opusi pikturesk do të prezantohet me shtatëdhjetë piktura të realizuara në një teknikë të kombinuar, akrilik në pëlhurë.

"Rrugëtimi krijues i Mexhiti zhvillohet nëpër disa cikle, që nga rinia e tij e hershme, diplomimi në Fakultetin e Arteve në Prishtinë, deri te angazhimi i tij i tanishëm si profesor i rregullt në Universitetin Shtetëror të Tetovës", thuhet në njoftimin e ekspozitës. 

Për hapjen e ekspozitës do të përgatitet monografi me recensionet përkatëse për karrierën artistike të Mexhitit.

Ekspozita do të zgjasë deri më 16 janar të vitit 2024. Kuratore është Maja Krstevska, kuratore e lartë në Galerinë Kombëtare. qa/

Foto: Galeria kombëtare