Shkup, 12 korrik 2024

Deputeti i Alternativës Bekim Sali ka kritikuar deklaratat që vijnë nga BDI për mbylljen e kazinove. Siç ka shkruar ai në profilin e tij në Fejsbuk, kërkesa e BDI-së për mbylljen e kazinove është hipokrizi pasi ajo ka ndihmuar hapjen masive të tyre.

“Ironia e ditës: BDI-ja që deri dje ishte ajo qe mbushi vendin me kazino, tani papritmas është opozitare dhe kërkon mbylljen e tyre. Kur ata që ndihmuan në hapjen e kazinove fillojnë të luftojnë kundër tyre, e kupton që politikës shqiptare i mungon vetëm një element: konsistenca.

Ndoshta herën tjetër, BDI do kërkojë mbylljen e vetes për t’i dhënë fund hipokrizisë”, shkruan Bekim Sali.

____________________________________________________________________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.