Мадрид, 26 декември 2024 (МИА) - Популарниот спортски медиум „ЕСПН“ ги прогласи најдобрите играчи и тренери за 2024 година. Крилниот напаѓач на Реал Мадрид и репрезентацијата на Бразил, Винисиус Жуниор го доби признанието за најдобар фудбалер на годината. Карло Анчелоти е избран за Најдобар тренер во 2024 година.

Репрезентацијата на Шпанија е прогласена за најдобар тим за изминатата година, а крилото на Барселона, Ламин Јамал ја доби номинацијата за „пробив на годината“. Пресметката помеѓу Реал Мадрид и Манчестер Сити (3:3) во четвртфиналето на Лигата на шампионите е прогласен за Натпревар на годината.

Во женскиот фудбал Аитана Бонмати (Барселона) е прогласена за Фудбалерка на годината, а Ема Хејс (Челси, репрезентација на САД) е прогласена за Најдобар тренер.

Барселона е најдобриот тим за 2024 година. дс

Фото: Архива