Мадрид, 7 јануари 2025 (МИА) – Фудбалерот на Реал Мадрид, Давид Алаба, е вклучен во составот на тимот за дуелот против Мајорка во полуфиналето на шпанскиот Суперкуп, објави прес-служба на „Кралевите“.

Триесет и двегодишниот Австриец нема играно повеќе од една година. Дефанзивецот се повреди во декември 2023 година на мечот на Реал со Виљареал (4:1). На Алаба му беше дијагностициран скинат вкрстен лигамент на левата нога, што го зафати менискусот.

Реал Мадрид ќе се соочи со Мајорка в четврток на 9 јануари. Натпреварот ќе се одигра на стадионот „Крал Абдула“ во Џеда, Саудиска Арабија. зс/

Фото: ЕПА