Минхен, 8 јануари 2025 (МИА) - Баерн прави последен обид да го задржи Алфонсо Дејвис, чиј актуелен договор истекува на крајот од сезоната.

Вчера агентот на играчот Ник Хосех пристигна во Минхен на разговори со раководството на клубот, пренесе „Билд“. Конечната одлука ќе биде на Дејвис, а според „Скај Германија“ канадскиот интернационалец е склон да потпише нов договор.

Реал Мадрид има сериозен интерес за дефанзивецот и има подготвена понуда за него, која му беше понудена пред неколку месеци.

Кралскиот клуб нема намера да ги менува параметрите на таа понуда и ја чека одлуката на Дејвис. дс

Фото: Архива