Лондон, 8 јануари 2025 (МИА) - По неколкудневни преговори со новиот кандидат, Вест Хем му ја предаде оставката на актуелниот тренер, Хулен Лопетеги.

Она што се најавуваше некое време сега стана и официјално. Клубот од источен Лондон соопшти дека Лопетеги повеќе не е шеф на стручниот штаб на премиерлигашот, но се уште не го официјализирал доаѓањето на новиот тренер.

„Чеканите“ се најдоа во незавидна ситуација на табелата. Моментално се само 14-ти со само 23 бода, што не беше ни блиску до очекуваното на почетокот на сезоната. Лопетеги не ги оправда очекувањата ниту на навивачите, ниту на управата, па челниците на лондонскиот клуб решија да бараат друг тренер. 

Додека Лопетеги официјално беше на клупата на Вест Хем, се појавија фотографии од лидерот на лондонскиот тим како седи со поранешниот тренер на Челси, Греам Потер.

Англискиот стручњак ќе биде новиот шеф на стручниот штаб на Вест Хем, а се чека само официјализирање на соработката бидејќи сите документи се потпишани.

Следниот натпревар „чеканите“ го играат против Астон Вила во ФА Купот во петок од 21 часот. дс

Фото: Архива