Ја здогледа девојката од своите соништа, па направи сѐ за да дојде до неа
- На неодамнешен натпревар на бејзбол-тимот Чикаго кабс во САД, млад човек ја здогледал личноста „од своите соништа“, па направил сѐ што можел за да ја запознае...
![Ја здогледа девојката од своите соништа, па направи сѐ за да дојде до неа](https://new.mia.mk/index.php/images/20230929105948_big_730x400_95.webp )
Чикаго, 28 април 2023 (МИА) - На трибините на неодамнешен натпревар на бејзбол-тимот Чикаго кабс во САД, млад човек ја здогледал личноста од своите соништа, па направил сѐ што можел за да ја запознае...
Навивачот ѝ го предаде неговиот телефон преку публиката на трибините за да го добие нејзиниот број. Уредот секако стигна до девојката... Таа гласно се насмеа и се согласи да го внесе нејзиниот број, по што му го врати мобилниот на додворувачот.
@oliviamarino__ And this was my POV 🫶🏼😂@cubs ♬ Love Story (Taylor’s Version) - Taylor Swift
„Колку е ова слатко... Тој еден ден ќе им раскаже на децата - вака ја запознав мајка ви", „Момчето веднаш ѝ го даде мобилниот телефон со отклучен екран. Ох, тоа е љубов!", „Убаво. Многу ме интересира како ќе им мине првиот состанок", „Го гледав видеото сто пати и го гледам повторно. Прекрасно!" - пишуваат луѓето во коментарите на интернет-просторот.
Се огласи и девојката која беше цел на ласкавото додворување.
„Здраво пријатели. Ова сум јас на видеото и можам да потврдам дека немам момче", напиша девојката по име Оливија Марино, додавајќи шеговито - „Друштво, сите вие сте поканети на свадба“, во друга своја објава.
Според гласините, таа и додворувачот договориле прв состанок, па се чини, сеирџиите едвај го чекаат продолжението на оваа несекојдневна вистинита љубовна приказна. си/сд/
Фото: Pixabay