Шмит: БиХ сега игра во повисока лига, треба да почнат да спроведуваат реформи
- Високиот претставник во БиХ, Кристијан Шмит денеска изјави дека Босна и Херцеговина, по одлуката на Европскиот совет да и даде „зелено светло“ за отворање на пристапните преговори, игра во повисока лига, со големи очекувања и уште поголеми можности.
![Шмит: БиХ сега игра во повисока лига, треба да почнат да спроведуваат реформи](https://new.mia.mk/index.php/images/20240322123605_big_730x400_68.webp )
Бања Лука, 22 март 2024 (МИА) - Високиот претставник во БиХ, Кристијан Шмит денеска изјави дека Босна и Херцеговина, по одлуката на Европскиот совет да и даде „зелено светло“ за отворање на пристапните преговори, игра во повисока лига, со големи очекувања и уште поголеми можности.
„Важна вест доаѓа од ЕУ дека БиХ може официјално да ги започне пристапните преговори. Ова е голем чекор, момент сериозно да се пристапи кон спроведување на реформите“, напиша Шмит на социјалната мрежа Х.
Тој додаде дека „се уште се потребни конкретни чекори“.
Европскиот совет синоќа и даде „зелено светло“ на БиХ за отворање на преговорите со ЕУ, но без преговарачка рамка, што ќе се знае кога БиХ ќе ги усвои сите 14 приоритети што Европската комисија и ги постави во 2022 година. паг/
Фото: МИА архива