Швјонтек прва со обезбедено место на завршниот ВТА турнир
- Полската тенисерка Ига Швјонтек се пласираше на последниот ВТА турнир оваа сезона, објавија организаторите на турнирот.
![Швјонтек прва со обезбедено место на завршниот ВТА турнир](https://new.mia.mk/index.php/images/20240807130400_big_730x400_17.webp )
Париз, 7 август 2024 (МИА) - Полската тенисерка Ига Швјонтек се пласираше на последниот ВТА турнир оваа сезона, објавија организаторите на турнирот.
Завршниот ВТА турнир ќе се одржи во Саудиска Арабија од 2 до 8 ноември.
Дваесет и тригодишната Швјонтек освои бронзен медал на Олимпијадата во Париз.
Покрај тоа, годинава Швјонтек го освои Грен слемот Ролан Гарос, како и турнирите во Доха, Индијан Велс, Мадрид и Рим. зс/
Фото: ЕПА