Швјонтек: Олимписките игри во Париз ми се приоритет
- Полската тенисерка Ига Швјонтек проговори за приоритетниот турнир за неа оваа сезона.
![Швјонтек: Олимписките игри во Париз ми се приоритет](https://new.mia.mk/index.php/images/20240321090017_big_730x400_75.webp )
Варшава, 21 март 2024 (МИА) - Полската тенисерка Ига Швјонтек проговори за приоритетниот турнир за неа оваа сезона.
- Искрено, мислам дека Олимписките игри во Париз се приоритет за мене. Но, има уште толку многу турнири пред нас што навистина не се фокусирам на нив. Тие се на различен план, дури и на различен континент. Сепак одам чекор по чекор, бидејќи има уште многу време до Олимпијадата, изјави Швјонтек за „The Tennis Letter“.
Швјонтек периодов се наоѓа во САД каде настапува на ВТА турнирот на тврда подлога во Мајами
Првиот светски рекет годинава ги освои турнирите во Индијан Велс и Доха.
Олимписките игри во Париз ќе се одржат од 26 јули до 11 август. зс/
Фото: ЕПА