Чешкиот „Небесен мост“ достапен од мај
Прага, 18 април 2022 (МИА) - Рекордно најдолгиот висечки мост, којшто се наоѓа во североисточна Чешка, треба да биде отворен во мај. Тој ќе им овозможи на планинарите „прошетка низ облаците“ со прекрасен поглед на просторот меѓу врвовите на планината Кралицки Снежник.
Според чешките туристички оператори, „Небесниот мост“, или „Скајбриџ 721“ ќе биде најдолгиот висечки мост во светот, протегајќи се на 721 метар меѓу двата врва. Се наоѓа во близина на одморалиштето Долни Морава и ја премостува Долината Млиничка на височина од 95 метри.
https://www.youtube.com/watch?v=zRTvRYbaUd4
Свеченото отворање на мостот е закажано за 9 мај.
Мостот е изграден близу одморалиштето, на платформа висока 55 метри од која може да се спушти тобоган од 100 метри. Зимското спортско и планинарско одморалиште Долни Морава се наоѓа на околу 200 километри источно од Прага, близу полската граница. си/ссм/
