Министерство за правда: Реформите во правосудството остануваат приоритет
- Министерството за правда упати честитка по повод 31 март-Денот на македонското правосудство до сите судии, јавни обвинители, правобранители, адвокати, медијатори, нотари, извршители и вработени во судовите, изразувајќи надеж за понатамошен развој на унапредувањето на правната мисла и владеењето на правото.
![Министерство за правда: Реформите во правосудството остануваат приоритет](https://new.mia.mk/index.php/images/20240331174149_big_730x400_14.webp )
Скопје, 31 март 2024 (МИА) - Министерството за правда упати честитка по повод 31 март-Денот на македонското правосудство до сите судии, јавни обвинители, правобранители, адвокати, медијатори, нотари, извршители и вработени во судовите, изразувајќи надеж за понатамошен развој на унапредувањето на правната мисла и владеењето на правото.
- На 31 март 1945 година е донесена повелба на АСНОМ за устројството на редовните народни судови на Федерална Македонија и Решение на АСНОМ за создавање на Суд за судење на престапи против македонската национална чест со што се поставени темелите на судството во нашата држава. Со Повелбата се основани 25 околински судови, три обласни судови со седишта во Скопје, Штип и Битола, и Врховен суд со седиште во Скопје, се наведува во соопштението од Министерството за правда.
Оттаму потенцираат дека реформите во правосудството остануваат приоритет.
-Заедно, забрзано и со конкретни мерки да придонесеме да ја вратиме довербата на граѓаните во правосудниот систем и да го зголемиме интегритетот на носителите на функции. Задоцнетата правда е негирање на правдата! Време е да тргнеме напред и да го поправиме угледот кај домашната и меѓународната јавност, велат од Министерството.
Посочуваат дека имаат мисија за градење независен и непристрасен правосуден систем базиран на европските вредности за владеење на правото и да ја зголемат ефиксаноста, етичноста и транспарентноста на судовите и обвинителствата. фф/бак/
Фото: Министерство за правда