Чави го пофали Рамос за настапот на натпреварот против Барселона
- Тренерот на Барселона, Чави, по победата над Севиља (1:0) синоќа во натпреварот од 8. коло на шпанското првенство, истакна дека дефанзивецот на Севиља, Серхио Рамос одиграл добра партија и покрај автоголот.
![Чави го пофали Рамос за настапот на натпреварот против Барселона](https://new.mia.mk/index.php/images/20230930081413_big_730x400_40.webp )
Барселона, 30 септември 2023 (МИА) - Тренерот на Барселона, Чави, по победата над Севиља (1:0) синоќа во натпреварот од 8. коло на шпанското првенство, истакна дека дефанзивецот на Севиља, Серхио Рамос одиграл добра партија и покрај автоголот.
- Не сум го видел Рамос ниту сум разговарал со него. Тој е одличен дефанзивец и заслужува големо признание што игра на толку високо ниво на негова возраст. Тој е професионалец. Овој автогол е непријатен за него, но таков е живот, таков е фудбалот, истакна Чави.
По победата над Севиља, Каталонците се искачија на првото место во поредокот во Ла Лига со 20 бодови, пред Џирона (19 бода) и Реал Мадрид (18 бодови). зс/
Фото: ЕПА