Лондон, 27 април 2023 (МИА) - Високиот комесар на ОН за човекови права Волкер Турк ја повика британската влада да го укине законот со кој на полицијата во Англија и Велс им дава повеќе овластувања да дејствува за да спречи сериозно нарушување на јавниот ред за време на протести.

Конзервативната влада на Британија тврди дека новите овластувања се потребни за да се спречат прекршувањата што ги загрозуваат животите и здравјето на пошироката јавност и извршени од мала група луѓе кои протестираат главно поради еколошки прашања.

Законот за јавен ред, кој вчера беше усвоен од британскиот Парламент, наиде на тешки критики од групите за човекови права, кои велат дека и дава преголема моќ на полицијата. Ги ограничува слободите на некои демонстранти за тоа како да го изразат својот протест за да ги спречи да предизвикаат сериозни оштетувања на инфраструктурата, вклучително и аеродромите и железниците, и воведува нов прекршок за оние кои се обидуваат да се „заклучат“ за предмети или згради.

Високиот комесар на ОН за човекови права Волкер Турк рече дека законот предизвикува сериозна загриженост и наметнува ограничувања на слободите што „не се неопходни ниту пропорционални“. паг/