Технолошките компании отпуштија 34.000 луѓе од почетокот на годината
- Технолошките компании отпуштиле 34.000 луѓе од почетокот на годината, пишува Фајненшл Тајмс, кој се повикува на податоци од специјализираната веб-страница Layoffs.
![Технолошките компании отпуштија 34.000 луѓе од почетокот на годината](https://new.mia.mk/index.php/images/20240719123308_big_730x400_29.webp )
Лондон, 12 февруари 2024 (МИА) - Технолошките компании отпуштиле 34.000 луѓе од почетокот на годината, пишува Фајненшл Тајмс, кој се повикува на податоци од специјализираната веб-страница Layoffs.
Експертите веруваат дека фирмите отпуштаат вработени бидејќи се фокусираат на нови активности и области како што е генеративната вештачка интелигенција (ВИ).
Од почетокот на 2024 година, отпуштија работници 38 технолошки компании, а меѓу нив се Мајкрософт, Снеп, Ибеј и Пејпал.
Сепак, отпуштањата во технолошкиот сектор не се толку бројни како на почетокот на минатата година.
Во целата 2023 година, 263.000 луѓе беа отпуштени во технолошкиот сектор. ссм/
фото: архива