Техеран, 17 март 2026 (МИА) - Најмалку 12 илјади станбени објекти во Техеран се делумно или целосно уништени во американско-израелските напади врз Иран - изјави гувернерот на Техеран, Мохамед Садег Мотамадијан.

Ирански медиуми го цитираат Мотамадијан, кој истакнал дека жителите на Техеран, чиј објект е оштетен, може да поднесат барања за надомест на штетите до општинската канцеларија.

Според податоците на Министерство за културно наследство на Иран, најмалку 56 музеи, историски споменици и културно-историски локации во земјата се оштетени во тековните американски и израелски напади. Од нив, најмалку 19 се во главниот град, вклучувајќи ги палатата Голестан, Техеранскиот базар и поранешната зграда на Сенатот.

Претходно беа објавени информации за оштетени културни локалитети во градот Исфахан, вклучувајќи делови од џамијата на Имам Шах, сместена на историскиот плоштад Нагш-е Џахан заштитен од УНЕСКО. аб/сд

фото/МИА архива