Барселона, 13 март 2023 (МИА) - Барселона синоќа го победи Атлетик (1:0) во 25. коло од шампионатот на Шпанија.

Голманот Марк-Андре тер Штеген по 150-ти пат ја зачува „чиста“ својата мрежа како член на каталонскиот клуб.

Ова е трет резултат во историјата на Барселона. Рекордер е Виктор Валдес со 237 натпревари без да прими гол, а по него е Андони Зубизарета со 172.

Тер Штеген е во Барселона од 2014 година. Голманот ја зачува мрежата неначната 21 пат оваа сезона, од нив 19 во Ла Лига. зс/

Фото: Твитер