ССК: ФИТР со нов повик „Кофинансирани грантови за комерцијализација на иновации“
- Фондот за иновации и технолошки развој (ФИТР) објави нов повик за Инструментот за финансиска поддршка „Кофинансирани грантови за комерцијализација на иновации“ преку кој обезбедува финансиска поддршка во максимален износ од 20 милиони денари, ги информира своите членки Сојузот на стопански комори на Македонија (ССК).
![ССК: ФИТР со нов повик „Кофинансирани грантови за комерцијализација на иновации“](https://new.mia.mk/index.php/images/20240510093235_big_730x400_85.webp )
Скопје, 10 мај 2024 (МИА) - Фондот за иновации и технолошки развој (ФИТР) објави нов повик за Инструментот за финансиска поддршка „Кофинансирани грантови за комерцијализација на иновации“ преку кој обезбедува финансиска поддршка во максимален износ од 20 милиони денари, ги информира своите членки Сојузот на стопански комори на Македонија (ССК).
Финансиската поддршка, како што посочува ССК, е за претпријатија чиј просечен број на вработени е до 50 и чиј годишен приход во последните две години е помал од два милиони евра до 70 отсто од вкупниот буџет на проект, односно за претпријатија чиј просечен број на вработени е од 50 до 250 и чиј годишен приход во последните две години е поголем од два милиони евра, а помал од 10 милиони евра, финансирањето е до 60 отсто од вкупниот буџет на проектот.
-Крајниот рок за доставување на апликациите е 04.06.2024 година, до 14.00 часот, прецизираат од ССК. вј/лв/
Фото: МИА архива