Средба на претседателот на државата Пендаровски со Сарацин, специјален пратеник на Владата на Сојузна Република Германија
- Претседателот на државата Стево Пендаровски денеска го примил Мануел Сарацин, специјалниот пратеник на Владата на Сојузна Република Германија за Западен Балкан.
![Средба на претседателот на државата Пендаровски со Сарацин, специјален пратеник на Владата на Сојузна Република Германија](https://new.mia.mk/index.php/images/20230516130215_big_730x400_14.webp )
Скопје, 16 мај 2023 (МИА) - Претседателот на државата Стево Пендаровски денеска го прими Мануел Сарацин, специјалниот пратеник на Владата на Сојузна Република Германија за Западен Балкан.
На средбата се разговарало за процесот на европските интеграции на земјава, состојбите во регионот на Западен Балкан и пошироко, како и за актуелните политички случувања во Северна Македонија.
Како што соопштија од кабинетот на Пендаровски, тој изразил очекување за натамошна силна поддршка од германските власти во пристапување на земјава кон Европската Унија, посочувајќи дека забрзувањето на интегративните процеси е во интерес на политичката, безбедносната и економската стабилност на целиот регион.
Претседателот Пендаровски ja поздравил значајната улога на Сарацин, како специјален пратеник на германската сојузна Влада за земјите од Западен Балкан, што е уште една потврда за нивната посветеност на регионот. цр/са/
Фото: Претседател на Република Северна Македонија
Видео: Претседател на Република Северна Македонија