СП 2022: Ричарлисон му донесе триумф на Бразил над Србија
- Со триумф на Бразил над Србија синоќа во Лусаил од 2-0 (0-0) се комплетираше првото коло во групната фаза на Светското првенство во Катар.
![СП 2022: Ричарлисон му донесе триумф на Бразил над Србија](https://new.mia.mk/index.php/images/20221128071202_big_730x400_77.webp )
Лусаил, 25 ноември 2022 (МИА) – Со триумф на Бразил над Србија синоќа во Лусаил од 2-0 (0-0) се комплетираше првото коло во групната фаза на Светското првенство во Катар.
Во својот воведен натпревар во рамки на групата Г, Бразил беше подобар противник на теренот и заслужено со победа го почна походот кон шеста титула светски првак.
Двоен стрелец беше Ричарлисон во 62. и 73. минута по асистенции на Винисиус.
Следен противник на Бразил ќе биде Швајцарија в понеделник, додека Србија ќе игра против Камерун во дуел на двете поразени репрезентации во првото коло во групата Г. ег/зс/