Рим, 2 јануари 2024 (МИА) - Селекторот на италијанската фудбалска репрезентација Лучијано Спалети го сподели своето мислење за создавањето на Супер лигата.

- Ги губиме традициите од минатото. Луѓето ја слават неверојатната победа на Давид над Голијат. Како утре да биде измислено и напишано според правилата на моќта. Некој сака да диктира каков фудбал да гледаме. Тие не разбираат дека се додека има топка и простор меѓу головите, луѓето ќе продолжат да го избираат фудбалот што најмногу им се допаѓа, изјави Спалети за тв каналот „Раи“.

Организаторите планираат да ја започнат Супер лигата во 2025 година. Се очекува турнирот да има три дивизии. Двете елити ќе имаат по 16 екипи со постојан состав на учесници, како и испаѓање и промоција на врвот. Во третата лига ќе настапат 32 екипи кои ќе се квалификуваат на турнирот преку националните првенства. зс/

Фото: ЕПА