• сабота, 05 април 2025
Македонски
  • English
  • Shqip
  • Македонски

Ал Хилал му нуди 35 милиони евра по сезона на Барела

Ал Хилал му нуди 35 милиони евра по сезона на Барела


Рим, 28 март 2025 (МИА) – Саудискиот фудбалски клуб Ал Хилал му понудил на италијанскиот репрезентативец и член на Интер, Николо Барела (28) повеќегодишен договор вреден 35 милиони евра по сезона, пренесуваат денеска италијанските медиуми.
Според истите извори, првичната понуда на саудискиот клуб изнесувала 18 милиони евра по сезона, која, откако била одбиена, е покачена за речиси двојно повеќе.
Играчот од средниот ред на Интер и репрезентацијата на Италија минатата година го продолжи договорот со клубот од Милано до 2029 година, вреден 6,5 милиони евра по сезона.
Барела пристигна во Интер во 2019 година од Каљари, прво на позајмица, а потоа „нероаѕурите“ го откупија неговиот договор.
Досега за миланскиот клуб има 272 настапи на кои постигна 25 голови, додека за италијанската репрезентација одигра 61 натпревари на кои постигна 10 голови. ег
ФОТО: Фејсбук

 

Остани поврзан