Рим, 19 март 2025 (МИА) - Италијанскиот крајнодесничарски министер за транспорт Матео Салвини денеска изјави дека италијанската премиерка Џорџа Мелони има мандат да ги брани националните интереси на Италија во Брисел, нагласувајќи дека планот на Европската комисија за повторно вооружување не е во интерес на европските граѓани.

Тој рече дека мнозинството италијански пратеници се залагаат за мир, додека во Брисел наводно се обидуваат да го саботираат мирот и да поттикнат војна, пренесува порталот Соле24.

Во Европскиот парламент се зборува за „800 милијарди евра (вредно) оружје кое е последното од корисните работи во кои сакаме да инвестираме во овој момент, за Европа и за мирот во Италија“, рече Салвини.

На утрешниот самит на ЕУ во Брисел ќе се гласа за планот на претседателката на Европската комисија, Урсула фон дер Лајен за повторно започнување на инвестиции во одбраната (ReArm) во вредност од 800 милијарди евра. рп/

Фото: МИА архива