Вашингтон, 30 декември 2024 (МИА) - Соединетите Американски Држави денеска објавија речиси шест милијарди долари дополнителна воена и буџетска помош за Украина.

Американскиот претседател Џо Бајден претходно најави дополнителна воена помош за Украина во вредност од 2,5 милијарди долари. Секретарот за финансии Џенет Јелен, исто така, објави дека САД обезбедуваат дополнителни 3,4 милијарди долари буџетска помош за Украина.

„За време на моето преостанато време на чело на Соединетите држави, ќе продолжам неуморно да работам на зајакнување на позицијата на Украина“, рече Бајден.

Неговата изјава посочува дека опремата во вредност од 1,25 милијарди долари ќе биде испратена во Украина од американските воени залихи, а 1,22 милијарди долари воена помош ќе бидат доделени од специјалниот механизам за поддршка на Украина.

Бајден рече дека новата помош ќе и обезбеди на Украина непосреден прилив на опрема што ќе продолжи да ја користи со голем ефект на бојното поле, како и долгорочни набавки за воздушна одбрана, артилерија и други критични системи за оружје. мс/

фото: МИА архива