Вашингтон, 24 септември 2024 (МИА) - САД и Канада денеска објавија дека оваа есен ќе формираат работна група за да се договорат за нивната поморска граница во Бофортовото Море (дел од Арктичкиот океан) и да го одредат преклопувањето долж континенталниот гребен.

Групата ќе работи на конечен договор што ќе ја покрие граничната област, која се наоѓа северно од Алјаска, САД и канадските провинции Јукон и северозападните територии, рекоа двете страни.

Разговорите доаѓаат во време на зголемена соработка меѓу Русија и Кина во Арктичкото Море, каде што ја истражуваат можноста за екстракција на природни ресурси и нови бродски рути отворени од топењето на мразот предизвикано од зголемените температури.

Спорот меѓу Канада и САД во Бофортовото Море е околу морската граница на бреговите на Јукон и Алјаска, регион со чувствителен екосистем кој е дом на неколку полиња со нафта и гас.

Граничниот спор е вкоренет во Англо-рускиот договор од 1825 година, кој го наследија САД во 1867 година и Канада во 1880 година. Двете земји имаат различни толкувања за значењето на договорот. мс/

фото: МИА архива